Іле халық баспасынан 2009 жылы жарық көрген, Қаһарман Мұқашұлы мен Кәкеш Қайыржанұлы аударған «Чиң әулеті сарай жылнамаларындағы қазаққа қатысты деректер» атты кітап негізінде желілес беріліп келе жатқан мақаламызды жалғастырамыз. Бұл жолы 1755 жылғы 29 маусымға қатысты сарай жазбасына сүйеніп, Чиң империясының Жоңғарияны «тыныштандырғаннан» кейін қазаққа қандай саяси талап қойғанын, Абылай ханға бағытталған үндеудің астарында қандай есеп жатқанын талдап көреміз.