Олимпиада ойындарың тым әріден басталғанын білеміз. Неше мың жылдықтарды артқа тастаған спорттық дода бүгінде дамыды, жетілді. Сөйтіп 1894 жылдың маусым айында Париж қаласында өткен халықаралық үлкен жиында Олимпиада комитетінің жарғысы, лауазымдық дәрежелер, әнұраны, эмблемасы күн тәртібіне қойылады. Осылайша төрткүл дүниені дүбірге бөлеген спорттық бәсеке 1896 жылдың 6 сәуірінде Грекияның астанасы Афина қаласында ең алғаш түндігін түреді.