Қазақ даласының кіндік тұсы – Сарыарқаның таулы-қыратты өңірі. Осы ұланғайыр өңірде әр кезеңде ұлтымыздың тарихында ерекше орны бар небір оқиғалар өткен. Олардың іздері қазір де бар. Сонымен бірге бұл өңірде небір аузымен құс тістеген, аспандағы аққуға әнін қосқан, алпыс екі тараулап күй шерткен дәулескер домбырашылар өткен. Олардың өмір жолы да біздің тұтас тарихымыздың бір бөлігі. Ұлы даланың әдеби, мәдени өнерінің жарқын беттері болып саналады.