Халық ақыны Көшен Елеуов 1892 жылы қазіргі Қарқаралы ауданы жеріндегі Бесоба ауылына қарасты Ынталы деген жерде дүниеге келген. Шыққан тегі жағынан арғын тайпасының бес мейрамына жататын қуандық руының мойын-байболды атасынан тарайды. Әкесі Елеу мен анасы Қазиненің тұңғышы болып дүниеге келген Көшен сол кездегі барлық дерлік балалар тәрізді, 1902-1911 жылдар арасында ауыл молласынан және медреселік сабақ алады. Сабақты жақсы оқып, араб, парсы тілдерін жақсы меңгереді.