ҚР Ұлттық академиялық кітапханасында ақын Салтанат Мадиярқызының «Жолаушы» кітабының лентасы қиылды. Кітаптың таныстырылымына негізінен жастар жиналды.Салтанат Мадиярқызы ерекше мінезді өлеңдерімен елең еткізген жас. Өлеңдері республикалық, облыстық баспасөз беттерінде жарық көрген, "Жаңа ғасыр әуендері" атты жас ақындар антологиясына енген. 2021 жылы "Шахмат" атты тұңғыш өлеңдер жинағы шықты. Республикалық мүшәйралардың жүлдегері, Әділ Ботпанов атындағы әдеби сыйлықтың иегері.