Қарқаралы-Қазылық тарихы қай заманнан басталады? Советтік Қазақстан тарихнамасында Сарыарқаның ең бір көрікті және қасиет қонған өлкесінің тарихын 1824 жылы құрылған Қарқаралы дуанынан (округы) бастау қалыптасқан. Өкінішке орай бұл жалпы қазақстандық проблема, бүгінгі күні ұлан-байтақ қазақ жерінің қай түкпіріне барсаң да совоктық-құлдық санада қалыптасып қалған дөңгелек даталар жұмыс істеп тұр. Тек қана Қарақаралы ауданы ғана емес, бүкіл Қазақстандағы Ресей және Советтік кезеңдерде пайда болған әкімшілік бірліктер осы жалған түсініктердің дәлелі есебінде.