ХХ ғасырдың басы – қазақ қоғамының жаңғыру кезеңі. Алаш арыстары қазақ ұлтының өркендеуін мақсат тұтып, қазақ халқы өз дербестігін алу жолында аянбай еңбек етті. ХХ ғасырдың бас кезінде қазақша кітаптар жарық көріп, баспасөз ісі ілгері дамып, ұлт зиялылары қазақ мәдениеті мен әдебиетіне өлшеусіз үлес қосты. «Қазақ» газеті зиялылардың саяси орталығы болып бүкіл іс-әрекеттің ұйымдастырушысы болды. Ахмет Байтұрсынұлы «Газет – халықтың көзі, құлағы һәм тілі»-деп халықтың көзін ашуға, рухын оятуға әрекет етті. Алаш арыстары идеялық-саяси бағыттарының мақсат-мәнін халыққа толық жеткізу үшін халықтың «көз-құлағына» айналар, шын мәніндегі газетаны шығаруды мақсат тұтты.
Мәдениет
