Қазақстанның биология ғылымы – бүгіндері біршама дамыған салалардың бірі. Қазан төңкерісінен кейінгі екінші онжылдықта-ақ Қазақстанда ауылшаруашылық өнімдерін өндіру бойынша зерттеу мекемелері туып қалыптаса бастады. Аграрлық саланың Қазақстан үшін маңызын кешегі кеңестік билік дұрыс есепке алды және бұл саланы біршама алға шығарғаны ақиқат болып табылады. Өткен ғасырдың жүзінде Қазақстанда ауылшаруашылығының мал шаруашылығы, егін шаруашылығы салалары ғылыми негізде дамып, тың және тыңайған жерлерді игеру, жаңа жайылымдық жерлерді халық шаруашылығының игілігіне жарату тиімді жүзеге асырылған болатын. Бұл табыстар мен жетістіктерге қол жеткізу – оған бөлінген мол қаржылық ресурстарды игеру мен маманды кадрлардың арқасында мүмкін болды. Осындай ғалымдардың бірі – Қазақстандағы аграрлық ғылымның негізін қалаушылардың бірі, қазақ халқынан шыққан тұңғыш биология ғылымдарының докторы Кәрім Мыңбаев болатын.
Мәдениет
