Батыс Түрік қағанатына жататын оғыз тайпасы моңғолдар кезеңіне дейін Сырды жайлаған кетелер сол жерден қоныс аудармаған халық деген пікірлер тарихи бағыттағы ғылыми еңбектерде жиі кездеседі. Қидандардың құрамындағы он сегізге тарта тайпаның бірі «хитилер» болды. Қазіргі кете тайпаларында кездесетін + таңбасы хити тайпаларында да бар. Кете сөзін ғалым Мұхаметжан Тынышбайұлы Сібірдегі Ачинсктен 100 шақырым жерде орналасқан Кеть өзенімен сәйкестендіреді [1]. Алшедат және Шеркеш, сондай-ақ Беріш өзендерінің осы жерде кездесуі кіші жүзге жататын бірнеше рудың Алтай аймағынан қоныс тебуі мүмкін деген ойды айтады.