Алтайдың Қобда бетіндегі қазақтар арасында бүркітшілік өнері кеңінен тараған. Сан мың жылдық тарихы бар өнерімізді жаңа дәуірге жалғастырған аға буын өкілдерінің жолын бүгінгі күні жастар жалғастырып келеді. Жыл сайын Баян-Өлгий аймағында және Моңғолия астанасы Ұланбатыр маңында «Бүркіт тойы» өтіп тұрады. Бұл тойға жер шарының түкпір-түкпірінен мыңдаған туристер келіп, қазақтардың саятшылық өнерін тамашалайды.