Қазақстан тәуелсіз мемлекет ретінде халықаралық спорт аренасына 1994 жылғы Лиллехаммер қысқы Олимпиадасы арқылы шықты. Бұл жарыс еліміздің тарихындағы айрықша кезең болды. Қазақстан алғаш рет өз алдына дербес команда құрып, әлем жұртшылығына көк байрағын танытты. Сол сәттен бастап Олимпиаданың ашылу салтанатында ел туын алып шығу қазақстандық спортшылар үшін ең жоғары сенім мен мәртебенің белгісіне айналды. Ендеше бүгін осы құрметке ие болған спортшыларымызбен танысайық.