Наурыз – қазақтың дүниетанымында жыл басы. Көшпелі өмір салтын ұстанған халық үшін көктем – жаңа тіршіліктің басталатын шағы. Мал төлдеп, жер көгеріп, тіршілік қайта жанданатын осы кезеңде ел бір-бірімен қауышып, өкпе-назын ұмытып, жаңа жылға ақ тілекпен қадам басқан. Халық арасында «Ұлыстың ұлы күні» деп аталуы да бекер емес. Бұл күндері тек той-думан емес, адамдар арасындағы татулық, қайырымдылық, бірлік пен жаңару идеясы басты орын алған. Соңғы жылдары бұл мейрм жаңа мазмұнмен жаңғырып, Наурызнама онкүндігі ретінде кең көлемде тойланып жүр. 14 наурыздан басталып, 23 наурызға дейін жалғасатын бұл күндердің әрқайсысы белгілі бір рухани құндылыққа арналған. Осылайша көне мейрамның мәні тереңдеп, халықтық дәстүр жаңа мазмұнмен толықты. Ендеше солардың әрбіріне жеке-жеке тоқталып өтейік.
Мәдениет
