Төрткүл дүние көз тікке Париж-2024 Олимпиадасы да басталды. Франция астанасына ат терлетіп барған спортшыларымыз жарыстың бірінші күнінде 10 метрге нысана көздеуден аралас командалық сында Ислам Сәтпаев пен Александра Ле қола медаль жеңіп алды. Сонымен қатар дзюдодан Қазақстан командасының үздігі Елдос Сметов Олимпиада чемпионы атанды. Ол 60 келі салмақта жеңімпаз болды. Бұл жарыста дзюдошыларымыз жарады. Елдостың артынан Ғұсман Қырғызбаев Париж Олимпиадасының қола жүлдегері атанды. Әлем додасындағы соңғы жеңіс емес екеніне сеніміміз мол. Ендеше Олимпиада тарихындағы Қазақстаннан шыққан чемпиондарды еске алсақ.