1949 жылғы 29 тамыз - әрбір қазақстандықтың есінде мәңгі қалатын күн. Ол күні Семей ядролық полигонында алғашқы атом жарылысы болған еді. Мұнда 40 жыл бойы алғашқы кеңестік ядролық қаруды сынау жүргізілді, мұның арты қайғылы салдарға әкелді. Адамдардың денсаулығына келтірілген зиян орасан зор болды. Бір жарым миллионнан астам адам зардап шекті. Алғашқы сынақ биіктігі шамамен 30 метр болатын арнайы қондырғыда жер үстінде өткізілді. Жарылыс қуаты 22 килотонды құрады, ал жарылыс толқыны 5 км-ге жетті.