Қазақ халқының кешегі тарихында ақындар мен жыраулардың алатын орны ерекше. Олардың есімі елдегі алуан түрлі ірілі-ұсақты оқиғалармен, белгілі тұлғалармен қатысты болып келеді. Сондай әйгілі шығармашыл жандардың бірі – Шөже Қаржаубайұлы. Шөже Қаржаубайұлының асқан шешен, тауып айтатын тапқыр да ержүрек батыл ақын, түнді түнге ұрып жырлайтын жыршы адам болғаны оның «Қозы Көрпеш-Баян сұлу» жырын айтып жеткізушілердің бірі болғандығынан анық аңғарылады.