Астана төрінде өткен Astana Media Week 2025 тек медиа индустрияның техникалық, цифрлық бағыттарын ғана емес, ұлттың рухани тамырын да сөз етті. «Классикпен кездесу. Төлен Әбдік феномені» атты жүздесуде Қазақстанның халық жазушысы, драматург, қоғам қайраткері Төлен Әбдік қазіргі қазақ қоғамының тарихи санасы, әдебиетке көзқарасы, тирандық культке әуестік және Алаш мұрасының орны туралы кесек ойларын ортаға салды. Бұл сөз – бір кештің әсерлі лекциясы ғана емес, бүгінгі тарихи жадымен жұмыс істейтін ғалымға да, журналиске де, жазушыға да арналған ашық үндеу іспетті.