ХХ ғасырдың басындағы ірі саяси өкілдердің бірі әрі бірегейі Мұстафа Шоқай болды. Алаш қайраткерінің биыл туғанына 135 жыл толды. Тұлға мерейтойына орай әр өңірде қайраткер есімі оқыс-оқыс естілді. Алайда,ХХ ғасыр басында оның түркі жұртына жеткен үні кеудесінде жаны бар әр азаматтың құлағына азанның дауысындай анық әрі көркем жетті. М.Шоқайдың саяси ұстанымының қалыптасуына, оның саяси аренаға шығуына ең негізгі себеп, ол-өз халқының көрген қасіреті, шеккен азабы, тартқан зардабы еді.