Алаштың ардагер азаматтары жайлы ай, апта емес, күн сайын айтылуы тиіс. Неге десеңіз дәл қазір қазақтың алаштан өзге рухан темірқазығы жоқ. Бізде бір жаман ғадет бар. Айтулы тұлғалар жайлы тек сол тұлғаның бәленбайыншы жылғы даталы мерейтойымен ғана шекетеліп жатамыз. Рас, алашты тану – мұрат болса, алаштық танымға жету – парыз болуы тиіс. Алаш интеллигенциясы жүз жылда, я болмаса жүз елу жылда ғана бір айтылатын науқандық шара емес. Алаш – ұлт барометрі. Алаш әлемінің айтылғанынан ашылмаған сыры әлі көп. Біз төмендегі тәуелсіздіктің алаң-елең шағында (1992 жылы) жарық көрген Қалкен Мәкенбаев есімді автордың Әлімхан Ермековқа қатысты ерекше жазылған мына бір естелігін сол мақсат жолында арнайы жариялап отырмыз.