Алтайдан Атырауға, Арқадан Алатауға дейін алып жатқан қазақ жерін ғасырлар бойы қорғап келген батыр бабалар жолы – бізге аңыз - әпсана. Олардың жорық жылнамасы, сол кезеңнің көзіндей болған олардан қалған жәдігер – бүгінгі ұрпақтың рухани азығы. Патриоттық тәрбие қат болып тұрған бүгінгі уақытта сол олқылықтың орнын толтыру мақсатында 2015 жылдың 1 желтоқсанында Астанада ҚР ҚК Ұлттық әскери - патриоттық орталығы ашылған болатын. Бүгінгі таңда оның құрамында концерттік зал, Қорғаныс министрлігінің Орталық әскери оркестрі, Орталық ансамблі және Әскери-патриоттық мұражай жұмыс істеп тұр. Отан қорғаушылар мерейлі мерекесіне орай ашылғанына біраз жылдар жылжыған Әскери-тарихи мұражай өмірінен репортажды «Қазақстан тарихы» порталының оқырмандарына ұсынамыз.