Соңғы жылдары тарихи әдебиетте мәдени майдан мәселелерін зерттеуге үлкен көңіл бөлініп келеді. Қазақстандағы мәдени революция мәселесі және оны іске асырудағы жергілікті кеңестердің рөлі белгілі дәрежеде кейбір ғылыми еңбектерден орын алған. Алайда Қазақстан жергілікті кеңестерінің мәдени-ағарту жұмысын басқарудағы рөлін жан-жақты ашып көрсететін арнаулы еңбек әлі жоқ. Осыған орай Қазақстан жергілікті кеңестерінің саяси-ағарту, үгіт-насихат жұмысын, сауатсыздықты жою мәдени-ағарту мекемелерді басқарудағы тәжірибесін жан-жақты зерттеудің ғылыми-практикалық маңызы зор.