Тарихта түркі елі сияқты орталықтанған мемлекеттің пайда болуы тілі бір, салт-дәстүрлері ортақ орасан зор далалық қауымдастықтың қалыптасуына себепші болды. Түркі тайпаларының бұл конфедерациясы өзінің айқын мәдени дәстүрлері бар аса қуатты мемлекетті қалыптастырды. Ол мемлекет өзінің бірегей мәдениетін одан әрі дамыту үшін қолайлы жағдайлар туғызып отырды, сондай-ақ өзінің экономикалық, әлеуметтік және діни ерекшеліктерін VIII ғасырдың аяғына дейін қатаң сақтап келді. Рухани тұрғыдан алып қарағанда Шығыс көшпелілерінің тарихи сана-сезімінің оянуы тап осы кезеңге сай келеді.