Жазушы Дидар Амантайдың «Майдақоңыр» атты кітабы биыл Алматыдағы «Орхон» баспасынан жарық көріп отыр. Ішкі беттегі «Он жеті новелла кітабы» деген айқындауыш сөздің мәнін кітапты ақтарып шыққанда барып түсіндік, «Төлеутай ақсақалдың немересі» пролог орнына жүреді де, «Бабалар мен ұрпақтар» эпилогымен аяқталған екен. Төлеутай ақсақалдың немересі, құлынды сойып тастағанда қайғырған бала Айдардың жан-дүниесі бүкіл новелла бойынан көрінеді. Адам жаны сана арқылы келгенде өте кең. «Уақыт өткенде біздің тегіміз, әулеттің өткені бейсаналы түрде жоғалады, ол адамды бүкіл жағынан ұстап, байлап қоятын кіндік іспеттес еді» деген ойларды аңғаруға болады. Мұндағы көп дүниесі үлкен бір шығарманың бөліктері сияқты. Жаңа кітапқа жазушының 1992 жылдан 2022 жылға дейінгі аралықта жазған әңгіме-новеллалары енгізілген.
Мәдениет
