Бүгін Л.Н.Гумилев атындағы Еуразия ұлттық университетінде «Бейбарыс сұлтан және оның түркі тарихындағы орны» халықаралық ғылыми-тәжірибелік конференция өтті. Бұл конференция көрнекті тарихи тұлғаның 800 жылдығына арналған іс-шаралар легін бастап берді. Негізгі мақсат – Бейбарыс сұлтан туралы соңғы мәліметтерді зерттеп, ғылыми айналымға енгізу және оның мұрасын өскелең ұрпақ арасында кеңінен насихаттау.