Биыл – Ахмет Байтұрсынұлының туғанына 150 жыл. Осыған орай редакцияның қолдауымен шетелдік ғалымдармен арнайы сұқбат сериясын бастап едік. Бұған дейін ахметтанушы ғалымдар Нергис Бирай (https://e-history.kz/kz/news/show/33604/) және Махамбет Жүсіповпен (https://e-history.kz/kz/news/show/338860) өрбіген әңгімелер назарларыңызға ұсынылды. Ал кезекті жарияланымнан «Алаш идеясының индексі және жаһандық мәдениеттегі интерпретациясы» жобасы аясында (АР13067966) арнайы жүздескен белгілі алаштанушы ғалым, Анкара Хажы Байрам Вели университетінің профессоры, тарих ғылымдарының докторы Гүлжанат Құрманғалиева-Ержиласунмен болған сұқбатты оқи аласыздар. Әңгіме арқауы жәдит қозғалысының басталуы мен қанат жаюуы, Түркия мен Батыстағы Алаш тақырыбының зерттелуі мәселелеріне арналды.