Әбілхан Қастеев атындағы өнер мұражайы ұсынған Клара мен Дана Исабаевалардың жеке коллекциясынан алынған «Тәуелсіздік бейнелері» атты көрмесін тамашалау үшін уақытша экспозицияға арналған залға аяқ бастым. Әдетімше әдемі ескі паркеттің сықырын тыңдап келе жатып, көзімді көтеріп картиналарды бір шолып өтпек едім, кинематографиялық вайбымды жарқын-жарқын шыққан дауыс бөлді. Бөлгенімен, бұл мудты бәсеңсітпей, керісінше одан әрі қою, қанық ете түсті.