2026 жылдың 17 сәуірінде Ақмола облысы, Целиноград ауданына қарасты Ақмол ауылында орналасқан «АЛЖИР» мемориалды музей кешенінде қазақ руханияты үшін аса маңызды ғылыми жиын өтті. Астана қаласы әкімдігінің «Бірлескен мұражайлар дирекциясы» МКҚК мен Л.Н. Гумилев атындағы Еуразия ұлттық университетінің Филология факультеті бірлесіп ұйымдастырған бұл республикалық ғылыми-практикалық конференция жазушы-драматург, журналист, тарихшы, лингвист, ұлт қайраткері Қошке Кемеңгерұлының 130 жылдығына арналған «Алаш мұрасының зияткер ұлт қалыптастырудағы маңызы» тақырыбындағы конференция тұлға мұрасын және бүгінгі қазақ қоғамы үшін өзекті әрі терең мазмұнды мәселелерді қамтыды.