Қазақстан Республикасының Тұңғыш Президенті кітапханасы – Қазақстан Республикасының Тұңғыш Президенті Н.Ә.Назарбаевтың ақпараттық-идеологиялық кешені ретінде қызмет етіп келе жатқан мекеме. Кітапхана өз жұмыс ауқымына кітапхана, архив, музей, мәдени-ағарту, білім беру, ғылыми-зерттеуді сыйғызып отыр. Ұзақ жылдар бойы ел тізгінін ұстаған кез келген тұлғаның өмір жолы, қызметтік кезеңдері – қайда да болмасын, ол басқарған мемлекеттің тарихындағы ажырамас бөлігі болып саналады. Осы тұрғыдан алғанда Тұңғыш Президент кітапханасы музейінің тәуелсіз еліміздің қалыптасуы мен даму тарихын танытудағы орны, әлеуеті зор. Түрлі форматтағы ақпараттық жинақтамалар мен олардың мүмкіндіктерін айтпағанда кітапхана қорында тәуелсіз Қазақстанның тұңғыш президенті Н.Ә.Назарбаевтың ұзақ жылдар ел басқару кезеңіндегі шетелдік мемлекет басшылары мен олардың ресми өкілдерінің, өзге де құрметті қонақтардың сыйға тартқан құнды жәдігерліктері: өнер туындылары және тарихи мәні зор құндылықтар бар.
Мәдениет
