Өзбекстанның Ташкент облысында Бостандық ауданына қарасты Табақсай деген ауыл бар. Тұмса табиғаты көздің жауын алатындай сұлу жер. Тіпті сарқырамасы мен каньоны да бар. Өзбек халқы бұл мекенді сол әсем табиғаты үшін ерекше жақсы көреді. Ал қазақ үшін Табақсай байырғы өз жеріміз болғаны үшін де, ел намысын асқақтатқан талай чемпионды тәрбиелеп өсірген өңір ретінде де ыстық. El.kz ақпарат агенттігінің тілшісі бүгін сол спортшыларға тоқталып өтуді жөн көрді.