Бүгін – Қазақстан полициясы күні. Бұл тек полицияның кәсіби мерекесі ғана емес, жалпы халық үшін де маңызды күн болуға тиіс. Ал біз оған қашан жетеміз? Ол үшін қарапайым адамдардың полицияны өзінің қауіпсіздігін толық қамтамасыз етуші ролінде көруі маңызды. «Өз полицияңызға көңіліңіз тола ма?» деп арнайы сауалнама жүргізген кезде америкалықтардың 70 пайызы өзінің полициясына сенетінін, əлдебір қиындық туындағанда оның көмегіне сүйенетінін, өйткені полицейді шын мəнінде қорғаны санайтынын айтқан. Ал осы сауалнама Ресейде жүргізілген кезде бұл көрсеткіш үш есе төмен болған.