31 мамыр – Қазақстанда саяси қуғын-сүргін құрбандарын еске алу күні. 1997 жылдан бері атап өтіліп келе жатқан бұл күн еліміз халқы үшін айрықша мәнге ие. Большевиктердің солақай саясатынан миллиондаған кеңестік азаматтар сталиндік қызыл террордың құрбаны болды. «Халық жауларын» әшкерелеу, жазалау бойынша жазықсыз жандарды қырғынға ұшыратты. Сонымен қатар нәубет аштық құрбандарын осы күні еске алуға тиіспіз.