Құрылғанына 57 жыл толып отырған Ғарифолла Құрманғалиев атындағы Батыс Қазақстан облыстық филармониясының жетістігі мол, олжасы орасан, өнерді өрістетудегі мақсаты биік. Филармонияда Дәулеткерей атындағы қазақ халық аспаптары оркестрі, «Орал Сазы» фольклорлық ансамблі, камералық «Классика» және «Назерке» халық биі ансамбльдері, дәстүрлі әншілер, эстрадалық бағытпен қатар классикалық бағыттағы әншілер қызмет етеді. Республика бойынша болсын, өңірдегі болсын, үлкенді-кішілі концерттердің бәрі филармония артистерінсіз өтпейді. Кәсіби деңгейі жоғары филармония артистері халықаралық, республикалық деңгейдегі конкурстарда әрдайым жүлделі орындардан жарқырап көрініп жүр. Біз үлкен өнер ұжымының көрермен көзінен таса қалатын жұмыс процесі, тыныс-тіршілігі, материалдық жағдайы, алдағы жоспарлары жайында білгіміз келіп, Ғарифолла Құрманғалиев атындағы Батыс Қазақстан облыстық филармониясының директоры Асхат Қажғалиевпен сұхбаттасқан едік.
Мәдениет
