2024 жылдың 16 қыркүйегінен бастап банкроттыққа өтінім берудің жаңа ережесі күшіне енді. Енді азаматтарға бұрынғыдай банкрот екенін дәлелдейтін құжаттарды жинап, оны eGov.kz порталында тіркеудің қажеті жоқ. Яғни, банкрот болудың жолдары жеңілдеді. Бұл жөнінде бүгінгі брифингте Қаржы министрлігі Мемлекеттік кірістер комитетінің дәрменсіз борышкерлермен жұмыс басқармасының бас сарапшысы Балғын Серікқызы мәлім етті, деп хабарлайды Ulysmedia.kz.