Қазақстан азаматтары салық органдары мен сот орындаушыларына наразы. Себебі құзырлы мекемелер азаматтардың жеке шоттарын болмашы қарыздар үшін автоматты түрде ескертусіз бұғаттап тастайтын көрінеді. Ал мемлекеттік кірістер комитетінің мамандары кәсіпкердің тіпті 1 теңге қарызы болса да шотты жауып тастауға толық құқылы екенін айтады, деп хабарлайды Stan.kz ақпарат агенттігі 31 арнаның “Информбюро” бағдарламасына сілтеме жасап.