Астанадан бірнеше минуттық жерде құлаудың аз-ақ алдында тұрған бес қабатты апатты ғимарат тұр. 70-жылдары салынған, сол кездегі Целиноград әуежайы қызметкерлеріне арналған жатақхана бүгінде «жартылай қаңыраған ғимаратқа» айналған. Құрылғаннан бері мұнда бір де бір рет күрделі жөндеу жүргізілмеген, соған қарамастан ішінде әлі күнге дейін адамдар тұрып жатыр. Олар күн сайын таңды жаңа күн өздеріне соңғы күн болып жүрмесе екен деген үреймен қарсы алады. Ulysmedia.kz тілшісі Астананың шетінде өмір сүріп жатқан тұрғындардың қандай жағдайда күн көріп отырғанын және бұл мәселеге биліктің жауабы қандай екенін анықтап көрді.