«Ақмаржан» және «Жібек Жолы» тұрғын-үй кооперативтері баспана құрылысын 2020 жылы бастаған. Үлескерлер су жаңа пәтерге 2 жылдан кейін қоныстанулары керек еді. Алайда жұрттың бар жиғанын жинап алғандар көп ұзамай жұмысты тоқтатып, орта жолда қалыпты. Бұған наразы болған тұрғындар бірнеше мәрте бас көтеріп, алаяқтар жазалансын деген талап қойған еді. Құрылтайшылардың бірі уақытша қамауға алынып, бостандыққа жіберілгенде де облыстық сот алдына жиналып, өз талаптарын тізді. Өткен сот отырысында судья екі азаматқа үкім шығарды. Енді олар 6 жыл жаза өтейді. Сондай-ақ, 5 жыл лауазымды, жауапты қызметтерді атқара алмайды.