Президент Қасым-Жомарт Тоқаев Қазақстанның бірнеше мемлекеттегі төтенше және өкілетті елшісін ауыстырды. Ақорданың баспасөз қызметі хабарлауынша, Ералы Тоғжанов – Қазақстанның Өзбекстандағы; Амангелді Саинов – Румыниядағы; Әлібек Бақаев – Ұлыбритания мен Солтүстік Ирландия біріккен корольдігіндегі елшісі болып тағайындалған. Бұған дейін Қазақстанның Өзбекстандағы және Румыниядағы елшілері болған Бейбіт Атамқұлов пен Ерлік Әли қызметтен босатылды.