Премьер-министрдің орынбасары Қанат Бозымбаев Атырау облысына жұмыс сапары аясында «Энергетикалық және коммуналдық секторларды жаңғырту» ұлттық жобасы шеңберінде жүзеге асырылып жатқан нысандарды аралап, кәріз тазарту құрылыстарын қайта жаңғырту, сүзгілеу стансасын салу жұмыстарымен танысты. Сондай-ақ ол азаматтық қорғау жүйесінің дайындығын тексеріп, «Ауыл аманаты» жобасы аясындағы ауыл шаруашылығы нысанына да барды.