Биыл жазда аптап ыстық болады. Осы ретте өрт қаупі жоғары кезеңде орман алқаптарында демалуға тыйым салынбақ. Ал талапты бұзғандар жауапкершілікке тартылады. Орман өртін болдырмау үшін өңірлерде қауіпке қарсы шаралар қолға алынған. Алайда кей облыстар әлі күнге маңызды кезеңге дайындықсыз отыр. Үкімет отырысында экология және табиғи ресурстар министрі Ерлан Нысанбаев осылай деп, алаңдаушылық білдірді. Оның сөзінше, Ақтөбе, Атырау, Шығыс Қазақстан, Жамбыл, Павлодар, Түркістан және Абай облыстарының өрт маусымына әзірлігі мардымсыз. Министрлік облыс әкімдеріне олқылықты жоюға және жеке құрамды толық жауынгерлерік әзірлікке келтіруге уақыт берді. Жыл басынан бері мемлекеттік орман қолы алқаптарында жалпы ауданы 4831 гектар болатын 32 орман өрті тіркелді. Ерлан Нысанбаев, ҚР Экология және табиғи ресурстар министрі: - Өрт пайда болған жағдайда, соның куәгері болған жағдайда бізге хабарлауды МЧС-тің мекемелеріне телефон шалуды ұмытпаңыздар. Әсіресе орманда жиі боласыздар демалыста. От жағып, тамақ дайындауда мұқият болуды сұраймыз, әсіресе жаздыгүні қатты ыстықта заң жүзінде тыйым салынған. Сол себепте құрметті бауырлар, өртке сақ болыңыздар, биыл өте қауіпті жыл.
Өмір
