Дубайға кетіп, жұмбақ жағдайда өмір бойына сотталған 22 жастағы Қазақстан азаматы Ернұр Алмаханның жақындары Алматыда баспасөз мәслихатын өткізіп, көмек сұрады. Айтуларынша, қазір одан хабар жоқ. Қандай айыппен сотталып жатқаны да белгісіз. Бірақ бұған дейін журналист Михаил Козачков 2003 жылы туған Ернұр Алмахан есімді Қазақстан азаматының Біріккен Араб Әмірліктерінде болған қарулы шабуылға қатысы барын айтып, жазба жариялаған.