Бүгін – Мүмкіндігі шектеулі жандардың халықаралық күні. Елімізде жылма-жыл кембағал жандарды әлеуметтік қолдаудың көлемі ұлғайып келеді. Саланы цифрландырудың да пайдасы зор. Мәселен, мүгедектік тобын белгілеу бойынша биыл 100 мыңға жуық адамнан өтінім қашықтан қабылданды. Айта кетейік, жыл басынан бері медициналық-әлеуметтік сараптаманы сырттай жүргізудің пилоттық жобасы іске қосылған еді.