20 жастағы Қазбек Оспанов Шығыс Қазақстан облысындағы әскери бөлімде мерзімді қызметін өтеп жүріп қаза тапты. Әскерден босауына шамамен үш ай қалған еді. Сарбаздың мәйіті туған жері Жетісай ауданына жеткізілді. Әскери ведомство дерегінше, ол өз-өзіне оқ атқан. Алайда марқұмның туыстары бұл нұсқамен келіспейді. Ulysmedia.kz тілшісі қаза тапқан сарбаздың отбасымен сөйлесіп, оқиғаның мән-жайын анықтады.