Соңғы екі жылда қайтарылған активтер есебінен 144 млрд теңге медициналық нысандардың құрылысына жұмсалды. Ақтөбе облысы Қобда ауданына қарасты Бегалы елді мекенінде жаңа медициналық пункт пайдалануға берілді. Ғимараттың жалпы құны – 132 миллион теңге. Оның 65 миллион теңгесін Үкімет Арнаулы мемлекеттік қордан бөлді. Ауданы 150 шаршы метрден асатын жаңа орталық бір ауысымда 25 адамды қабылдай алады. Өңірде денсаулық сақтау саласын дамыту бойынша 11 жоба жүзеге асырылып жатыр.