Ақмола облысында мыңға жуық бала аутизм дертіне шалдыққан. Өкініштісі сол, статистика жыл сайын өсіп барады. Кейінгі бір жылдың өзінде 191 балада қауіпті дерттің белгілері анықталды. Осыған байланысты облыс орталығында алғаш рет аутизм орталығы ашылды. Енді ата-аналар көрші аймақтарға сабылмайды. Мекеме мамандары бір жылда 200 баланы тегін емдеуді көздеп отыр.