Павлодар облысында өртке қарсы күрес қызметі кезекті рейд ұйымдастырды. Мамандардың айтуынша, жылу маусымы басталғалы бері өңірде 14 өрт оқиғасы тіркелген. Оқыс жағдайлардың басым бөлігі пешті дұрыс пайдаланбау мен электр құралдарының ақауларынан болған. Осыған байланысты өртке қарсы қызмет өкілдері бақылауды күшейтіп, ауыл-аймақтарда алдын алу және түсіндіру жұмыстарын жалғастыруда.