Саят Ағзамов – үш баланы өзі тәрбиелеп отырған жалғызбасты әке. Осыдан 7 жыл бұрын жары ауыр сырқаттан көз жұмған. Ең кенжесі ол кезде 4 жаста ғана болыпты. Содан бері балаларын асырау үшін жар құлағы жастыққа тимей, бірнеше жұмыс істеп жүр. Басында баспанасы да жоқ. Банктен алған несиесін де төлей алмай, сот орындаушылары шайлығына жетпейтін айлығының 50 пайызын ұстап қалу жөнінде жұмыс орнына соттың атқару парағын жіберіпті.