20 тамыз күні болған оқиғаны Светлана Койчубаева үреймен еске алады. Айтуынша, дем жетіспей, тынысы тарылған соң жедел жәрдем шақыртқан. Бірақ келген фельдшер астмаға ем болатын уколдың орнына, қан қысымын көтеретін ерітіндіні салып жіберген. Дәл сол укол тамырыма тараған соң, бірден қан қысымым 160-қа дейін көтеріліп, аузымнан көбік ақты дейді. Бір ажалдан аман қалған келіншек медицина қызметкерінің салғырт әрекетіне күйінеді. Ол қызметіне атүсті қарады маманды жауапқа тартуды талап етіп отыр.