Алайда, биліктегілердің қоғамның талқылауынан өткізбей, көпшіліктің келісімін алмай қондырғыны орнатып жатқанына ата-аналар алаңдаушылық танытуда. Олар балаларының қауіпсіздігі үшін қорқады. Өйткені, конверторларды қолдану үшін қосымша 2МВт электр энергиясы қажет. Яғни, үлкен кернеуді көтере алатын трансформаторлар болуы керек. Ең біріншіден, бұндай қосалқы жабдықтарда техникалық сараптамадан өткен және арнайы сертификаты болуы тиіс. Әйтсе де, Екібастұз қалалық білім беру бөлімі ондай құжаттарды журналистерге жарияламай отыр. Оның үстіне мектептерде конверторларға қызмет көрсететін арнайы мамандар да жоқ. Ертең аяқ асты өрт шықса кім жауап бермек?