Маңғыстау облысындағы қуаңшылықтың кесірінен шаруалар малдарын өзге өңірлерге айдап әкетіп жатыр. Шөлге ең төзімді деген түйенің өзі әлсіреп кеткен. Сондықтан шаруалар онсыз да аз қалған төрт түлігін аман алып қалу үшін Батыс Қазақстан, Ақтөбе, Атырау облыстарының жайылым жерлеріне жеткізуде. Ал әкімдіктің ресми мәліметі бойынша, осы күнге дейін 6500-ден астам мал өзге өңірлерге өткізілген, деп хабарлайды Stan.kz ақпарат агенттігі Информбюро жаңалықтар қызметіне сілтеме беріп.