Бұған дейін Маңғыстауда мектеп оқушысы әлеуметтік жобалар сайысынан жеңіп алған 1 млн теңгесін мектебіне сыйлап, ол қаржыға интерактивті тақта сатып алынғаны хабарланған болатын. Төртінші сынып оқушысының мұндай әрекеті көңіл қуантқанымен, мектеп әкімшілігінің баланың өз еңбегімен жеткен жүлдесіне білім ордасына қажетті құрал-жабдық сатып алуы қоғамда қызу талқыланды. Көптің наразылығын тудырған жағдайдан кейін Білім және ғылым министрлігі мәлімдеме жасап, оқушының ақшасы өзіне қайтарылатынын айтты.