15 қараша төл теңгенің туған күні. Ұлттық валютаның айналымға енгеніне биыл 29 жыл толды. Ал бұл атаулы күн валютамыздың туған күні әрі қаржыгерлер күні болып осыдан 25 жыл бұрын белгіленген. Толығырақ теңгенің өткені мен бүгіні туралы келесі бейнематериалдан көріңіз. Сонау 1992 жылдың 27 тамызы күні Ұлттық банк тәуелсіздігіміздің төл нышаны болған теңге купюрасының үлгілерін бекітті. теңге сол жылы алғаш рет Ұлыбританияда басылып шықты. 1993 жылдың дәл осы күні төл валюта айналымға енген. Сол тұста 1 теңге АҚШ долларына шаққанда, 4 доллар 75 цент болған. Осылайша теңге азаттық жылдарында қарыстап емес, қарыштап дамыған ел экономикасымен бірге түледі. Бірнеше рет әлемдік қаржы дағдарысына төтеп берді. Ал қазіргі хал ақуалы қалай? СӘБИТ БАЙМАҒАМБЕТОВ – ЭКОНОМИСТ - Сайлау өткен соң теңге көтерілуі мүмкін. Бұл саясы науқаннан көрі бәрінен бұрын Украина мен Ресейдің арасындағы шиеленістің шешілуіне байланысты болып тұр. Егер бұл шешілсе қазір табыстың қайнар көзі мұнай жоғары бағамен сатылуда. Бұл өз кезегінде теңгенің өсуіне әсер етеді. Айта кетейік, ең алғашқы теңгемізде белгілі тарихи тұлғалардың портреттері, Алатау мен Көкшетау көріністері, Қожа Ахмет Яссауи кесенесінің бейнесі, Маңғыстаудан табылған тастағы таңбалар пайдаланылды. Бір теңгелік банкнотқа Әбу Насыр әл-Фараби, үш теңгелікте Сүйінбай, бес теңгелікте Құрманғазы, он теңгелікте Шоқан, жиырма теңгелікте Абай, елу теңгелікте Әбілқайыр хан, жүз теңгелікте Абылай хан бейнесі сомдалды.